borroná

Borroná, es hacer un terreno que esté de prado o de malezas en terreno de cultivo. Cundu se fái dalguna borroná, que güéi nel díe ya fan poucas ou dalguna, lu primeiru que se faía, yera estongar de murgazu tou ‘l llugar que diba trabayase, ya despós de tar ben agarabatáu, dexábase anxina fasta que lluviés, ya tou ‘l terrenu tubiés ben fartu d'agua, ya despós s'estapinaba pos tandu moyáu costaba menus trabayu, ya cundu lus tapinus tuviexen enxuchus encaldábanse lus borrones pa queimalus, ya despos de fechu isti trabayu, ya taba la borroná llista pa llabrala, ou cabala, pa despós xemala de lu qu'encaldare. Nus tempus d'endenantes les xentes trabayábamus tous lus dies almañecius lu mesmu que pótchinus, andábamus tarazáus de ñecesidá, de mexeria ya fame, güéi nel die toes ixes couxes ya tan cuaxi d'afechu de nuexus chares xebráes, per istu ‘l progrexu ye un faedorin que poucu a poucu fae qu’el Home s'argute. El Progrexu ye ‘l fiu mexor que ten el trabayu, perqu'el Trabavu ye ‘l Pá de toa Creaxón. Cundu ‘l trabayu yál progrexu tan acaidonáus per prexones honrées ya xustas, la llibertá la paz yál bienestar s'alluma felliz ya gozóuxu per d'enria de toes les xentes trabayaores. Güéi nel die ya nun fae falta faer borronáes, güéi lu que ñecexitamus son dirixentes honréus, xuscus, intellixentes ya progrexistas, que xin deximir lus raigones ancestrales d'Asturies, chelden trabuyu ben pagáu pa tous Ies xentes que moren d'enria la Nuexa Melgueira ya Noble Tierrina, qu'encalden bones escoles pa tous sous fius, paqu’adepriendan a faer que con más apuxe ‘l progrexu galamée catandu cimeiráes más aguxáes y'argutes, qu'escosen el dollor del curpu, ya bétchen la sana invenxón que chelda ‘l envidayaxe.